Indi magnubo sa siyam ang patay kag 2,800 ang pilason sa pagpang-atake nga nag-target sa mga pagers nga ginauyatan sang mga myembro sang Iran-backed Lebanese militant group nga Hezbollah sa madamo nga parte sang Lebanon.
Suno sa health minister sang pungsod, isa sa mga napilasan amo ang Iranian ambassador to Lebanon.
Ginbasol naman sang Hezbollah ang Israel sa amo nga pagpang-atake sa tunga sang nagasingki pa gid nga tensyon sa rehiyon.
Ginkondenar naman sang Lebanese government ang pagpang-atake kag gintawag nga “criminal Israeli aggression.”
Wala pa sang sabat ang Israeli military sa akusasyon.
Sa subong, kapin 170 ka tawo ang yara sa kritikal nga kondisyon.
