Patay ang siyam ka tawo samtang walo naman ang pilason matapos nag-collapse ang building kasunod sang demolition nga natabo sa Gwangju, South Korea.
Suno sa mga opisyal, nakabaton sila sang report nga ang five-storey building sa Gwangju ang nag-collapse sa diin natumba ini sa bus nga nag-untat sa istasyon malapit sa construction site.
Ang siyam ka mga napatay kag walo ka mga pilason ang lunsay pasahero sang bus.
Sa una nga pagdumdom sang mga bombero, 12 lang ang sakay nga pasahero sang bus apang ila natukiban nga madamo sang mga biktima ang na-trap sa sulod.
Pahayag naman sang mga opisyal sang Gwangju Fire and Safety Headquarters, indi pa sa gihapon matumod ang pagcollapse sang building.
Nahibaluan nga ang South Korea ang kilala sadto bangud sa malain nga safety record sini kun infrastructure ang pagahambalan.
Sang 1995, naglab-ot sa 500 ka tawo ang napatay sang nag-collapse man ang department store samtang 49 naman ang patay sang nagcollapse ang taytay sang 1994.
