ILOILO CITY – Siyam ka barangay tribes ang kumpirmado nga magapakigbahin sa Dagyang sa Calle Real bilang kabahin sang Dinagyang 2020 celebration.
Sa interview sang Bombo Radyo kay Philip Chua sang Iloilo Festivals Foundation Inc., iya ginpahayag nga ang Dagyang sa Calle Real ang patigayunon sa Enero 25, 2020, Sabado nga adlaw.
Suno kay Chua, lakip sa mga tribu nga magapakigbahin amo ang Familia Sagrada, Anggola, Canyaw, Hamili, Panaad, Aninipay Familia Sagasa, Molave kag Parianon.
Ginpahayag ni Chua nga bukas sa gihapon ang registration para sa mga tribu nga magapakigbahin sa nasambit nga aktibidad.
Ang competing tribes sunu kay Chua ang magabaton sang P30,000 nga subsidy kag premyo.
Gin-athag sang natungdan nga isa ini ka friendly competition nga may katuyuan nga pagkinasadya kag pagbalik sang kinaandan nga tradisyon sa pagsaulog sang
Dinagyang Festival.
