ILOILO CITY – Patay ang batang lalaki matapos malukpan sang boga sa Mayang, Tubungan Iloilo.
Sa interview sang Bombo Radyo kay S/Insp. Enrimar Madringan, hepe sang Tubungan Municipal Police Station, ginpahayag sini nga nagahampang ang biktima nga si EJ, 9, upod ang iya duha ka tuig nga manghod nga babaye sa kusina sang ila balay.
Suno sa hepe, samtang nagahampang ang duha ka mga kabataan, aksidente nga natumba ang boga nga ginapanag-iyahan sang ila amay nga si Efren Tamamillo.
Diri kag naglupok ang boga kag nag-igo sa ulo sang bata.