𝗠𝗔𝗡𝗜𝗟𝗔 — Nagbukas na sang klase ang 98% sang mga eskwelahan sa bug-os nga pungsod subong nga Lunes para sa School Year 2024-2025.
Suno kay Department of Education Secretary Sonny Angara, kapin sa 840 ka mga eskwelahan ang nagdesisyon nga ipaiway ang pagbukas sang klase bangud sa epekto sang Tropical Cyclone Carina kag Southwest Monsoon (Habagat), kag sang mabaskog nga ulan kagina sang kaagahon.
Ginpahayag man sini nga gamay lang ini nga porsyento kag wala ini sa 2% sang mga eskwelahan sa bug-os nga pungsod, nga nagakahulugan nga 98% sang mga eskwelahan ang nagbukas sang klase.
Sugod sang Hulyo 28, ang datos sang Department of Education (DepEd) nagapakita nga 842 ka mga eskwelahan sa bug-os nga pungsod ang na-delay ang pagbukas sang klase, nga nakaapekto sa 803,824 ka mga manunudlo.
Kalabanan sa nasambit nga mga buluthuan ang narekord sa Central Luzon nga may 452, ginsundan sang National Capital Region nga may 225, Ilocos Region nga may 95, kag Calabarzon nga may 66.
Ginpaiway man sang apat ka mga eskwelahan sa Soccsksargen ang pagbukas sang klase.
Suno kay Angara, ang mga nagsuspender sang klase ang kinahanglan nga magpatigayon sang klase sa Sabado.
Amo ina ang kinaandan nga proseso kag kon indi makatambong ang isa ka estudyante sa klase sa adlaw sang semana, dapat ini himuon sa weekeends.
Sa bahin naman sang enrollment, ginpahayag sang hepe sang Department of Education nga may tion pa ang mga estudyante nga wala pa naka-enrol tubtub sa bulan sang Setyembre subong nga tuig.
Base sa datos sang Department of Education, as of alas-12;00 sang udto subong nga adlaw, may yara sang 20,598,072 ka mga estudyante nga nakapa-enrol sa publiko kag pribado nga mga eskwelahan, lakip ang mga state and local universities and colleges (SUCs/LUCs), kag ang Alternative Learning System (ALS).
Kadam-an sang mga estudyante sa pungsod ang
