LTFRB Ipatawag sang Provincial Board angot sa pag-apruba sang prangkisa sang Ceres / Vallacar sa Central Line

ILOILO CITY — Ipatawag sang Committee on Transportation sa Provincial Board ang pamunuan sang Land Transportation Franchising and Regulatory Board (LTFRB) 6.
Ini agud mapaathag ang ginhimo nga pag-implementar sang mandu sang LTFRB Central Office angot sa pag-apruba sang pagbag-o sang prangkisa kag pagpasugot sa pag-agi sang Vallacar Transit / Ceres sa ruta sang Central Line.
Suno kay Transportation Committee Chairman Board Member Atty. Domingo Oso, nagalaum ini nga mapaathag man sang LTFRB ang ginhimo sa mga katapo sang federated transport sa probinsya ilabi na sa apektado sang nahinambitan nga pagbag-o sang ruta.
Hiwaton ang Conference Dialogue sa Enero 12, alas 10 sa aga sa Iloilo Provincial Capitol.