Pagpa-abaga sang balayran sa Real Property Tax sang PECO sa mga pumuluyo balabagan sang Iloilo City Council

Indi magsugot ang Iloilo City Council nga ipa-abaga sang Panay Electric Company (PECO) ang balayran sa Real Property Tax sa mga konsumidor.
Suno kay Kagawad Ed Peñaredondo, Majority Floor Leader sang City Council, himuon nila ang tanan agud indi na mabudlayan pa ang mga pumuluyo sa natalana nga pagpatong sang balayran sang PECO sa ila mga transmission assets.
Ginakabig man sini nga mahina ang maintenance sang PECO kag indi pagpahanugotan ang ginaplano nga dugang nga balayran sa mga konsumidor.
Madumduman nga exclusive nga nag-ako sa Bombo Radyo si Michele Afzelius, Corporate Communications Officer sang PECO nga ipatong nila sa bill sang mga pumuluyo ang ginasukot nga Real Property Tax sang syudad sang Iloilo sa ila mga transmission assets.