Ginpatay nga volunteer doctor, pasidunggan sang Bayani ng Kalusugan award

ILOILO CITY – Hatagan sang “Bayani ng Kalusugan Award” sang Department of Health (DOH) ang ginpatay nga “Doctor to the Barrios’ volunteer nga si Dr. Dreyfuss Perlas sang .
Sa interview sang Bombo Radyo, ginpahayag ni DoH Region 6 director Dr. Marilyn Convocar nga mismo si DOH Secretary Paulyn Jean Rosell-Ubial ang nagdesisyon nga hatagan sang pagpasidungog si Dr. Dreyfuss.
Dugang pa ni Convocar, ang “Bayani ng Kalusugan Award” ang isa sa pinakamataas nga pagkilala nga ginahatag sa mga health workers nga may exemplary performance kag practice nga nagpasanyog sang lugar nga iya ginapangalagaran.
Ang “Doctor to the Barrios” ang isa ka deployment program, sa diin gina-assign ang mga doktor sa mga lugar nga wala sang municipal health officer.
Suno kay Convocar, tatlo ka lugar ang gintanyag kay Dr. Perlas, apang ginpili sini ang Lanao
Del Norte nga wala sang doktor sa sulod sang 20 ka tuig.
Mahimo ihatag sa pamilya ni Dr. Perlas ang “Bayani ng Kalusugan Award” sa Cebu, sa Marso 21 ukon 22, sa pagtililipon sang mga municipal health officers.