ILOILO CITY – Ginkalipay ni Iloilo City Rep. Jerry Treñas ang pag-file ni Sen. Panfilo Lacson sang hagna nga magatunga sa siyudad sang Iloilo sa duha ka distrito.
Suno kay Treñas, pabor sa siyudad ang ginhimo ni Lacson sa diin mas mabuligan pa gid ang distrito.
Ginpahayag ni Treñas nga nag-file naman ini sang kaangay nga hagna sa Kamara sadto kag nalipay ini bangud suportado ni Lacson ang ginhimo sini nga tikang.
Sa ti-on nga ini ang mapasar, ang Iloilo City First District ang bug-usan sang Jaro, Mandurriao kag La Paz.
Samtang ang Iloilo City Second District ang bug-usan sang Molo, Arevalo, Lapuz kag City Proper.