ILOILO CITY – Nagapati si Sec. Perfecto Yasay nga may mga tawo nga luyag magguba sang iya pangalan gani gin-reject sang Commission on Appointments (CA) ang iya appointment bilang full pledge nga tiglikom sang Department of Foreign Affairs (DFA).
Sa exclusive interview sang Bombo Radyo Iloilo kay Yasay, ginpahayag sini nga may mga tawo nga nagplano nga gub-on ang iya kredibilidad agud indi ini makapungko sa puwesto.
Dako ang pagpati sini nga ang mga sa likod sang pagpang-guba sa iya amo ang mga tawo nga luyag mangin tiglikom sang DFA.
Ginpanindugan man ni Yasay nga isa siya ka Filipino kag wala sang ginakaptan nga US passport.
Suno kay Yasay, sang nagpungko ini sa puwesto bilang tiglikom sang Securites and Exchange Commission (SEC) sang tuig 1993, na-renounce na ang iya US citizenship.