ILOILO CITY – Ginkontra sang Commission on Appointments (CA) ang pahayag ni anay Department of Foreign Affairs Sec. Perfecto Yasay nga na-renounce ang iya US citizenship sang tuig 1993 pa lang.
Sa interview sang Bombo Radyo kay Iloilo City Congressman Jerry Treñas, miyembro sang CA, ginpahayag sini nga ang mayor nga rason sa pagbasura nila sa appointment ni Yasay amo ag pagbutig sini sa iya citizenship.
Sa baylo suno kay Treñas nga akuon ni Yasay nga may yara ini sang US passport, ginpanginwala pa ini sang anay DFA secretary.
Sa pagkamatuod suno sa mamalidha, natukiban nga isa pa ka US citizen si Yasay sang ginbaton sini ang puwesto bilang tiglikom sang DFA.
Bangud sa nasambit nga rason, ginkasugtan sang majority sang CA nga ibasura ang appointment ni Yasay.
Nahibaluan nga si Yasay ang pinakauna nga apppointee ni Presidente Rodrigo Duterte nga wala ginpaboran sang CA.