Mga pari sa Iloilo, ginbalibaran ang luyag sang PNP nga mag-upod ang simbahan sa Oplan Tokhang

ILOILO CITY – Ginbalibaran sang Simbahan Katolika sa siyudad sang Iloilo, ang tuyo sang Philippine National Police nga mangin kabahin sang pagpatigayon sang Oplan Tokhang, ang religious sector.
Sa interview sang Bombo Radyo Iloilo, ginpahayag ni Monsignor Meliton Oso, director sang Jaro Archdiocese Social Action Center, indi na kinahanglan sang PNP ang representasyon sang Simbahan.
Suno kay Msgr. Oso, kun ginasunod lang sang kapulisan ang rules and engagement sini, indi na kinahanglan nga may presensya sang simbahan sa pagpatigayon sang anti-illegal drug campaign.
Dugang pa sini, kun matarong lang ang pagpatigayon sang Oplan Tokhang, mangin madinalag-on ang kampanya.