Grade 4 pupil na-gang rape sang schoolmates nga naglantaw sang porn videos

ILOILO CITY – Na-gang-rape ang Grade 4 pupil, sang apat ka mga schoolmates sini sa banwa sang Ajuy, Iloilo.
Sa interview sang Bombo Radyo Iloilo, ginpahayag ni Police Chief Insp. Charlie Sustento, hepe sang Ajuy Municipal Police Station, natabo ang pagpanghimulos sang Marso 6 apang wala ini gilayon ginsugid sang biktima kag sang Marso 9 lang ini na-report sa mga kapulisan matapos nga ginprangka na sang ginikanan ang biktima bangud sang nagalapta nga istorya.
Suno kay Sustento, udto natabo ang gang-rape, sa diin ginhagad ang biktima sang apat ka mga suspetsado nga Grade 5 pupils nga naga-edad sang 15, 14, 12 kag 11-anyos, nga magkadto sa nabukid nga bahin.
Ginsugo sang 15-anyos nga suspetsado ang biktima nga maghigda kag ubahon ang panapton sini.
Pahayag pa ni Sustento, antes sang hitabo, naglantaw ang mga suspek sang pornographic videos kag mahimo na-curious ang mga ini gani ginsunod ang ila nga nakita.
Ginpaidalom na sa medical examination ang biktima kag pananglitan magpositibo nga ginhimuslan ini, mahimo nga pasakaan sang kaso ang 15-anyos nga amo lang ang may criminal liability.
Lunsay nga yara sa kustodiya sang ila ginikanan ang mga suspetsado kag ang biktima ang gina-giyahan man sang social worker kag women’s and child protection desk sang Ajuy PNP.