ILOILO CITY – Nag-apelar ang gobyerno sa New People’s Army (NPA) nga untatan na ang pagsabwag sang kalakasan kag hatagan sang tiyansa ang kalinong.
Sa interview sang Bombo Radyo Iloilo, ginpahayag ni DILG Undersecretary Jose JV Hinlo nga dapat na matapna ang insurhensiya.
Kadungan ini sang pormal na nga pag-anunsyar sang gobyerno kag sang komunista nga grupo, nga sila ang magabalik sa negosasyon.
Ginkasubo ni Hinlo ang natabo sa mga pulis nga gin-ambush sang NPA sang Davao del Sur.
Suno kay Hinlo, dapat nga untatan man sang NPA ang pagpangolekta sang revolutionary tax kag pagpangguba sang mga propiedad sang sibilyan.
Dapat panumdumon sang mga NPA suno pa kay Hinlo nga ang kapigaduhon, indi masolbar sang kinagamo.