Suspek sa pag-gang rape sa Grade 4 pupil, gin-deny nga galantaw sang porn videos

ILOILO CITY – Ginsaysay sang isa sa mga suspek sa pag-gang rape sa Grade 4 pupil sa banwa sang Ajuy, Iloilo kun paano natabo ang insidente.
Sa eksklusibo nga interview sang Bombo Radyo Iloilo, ginpahayag ni alyas Lando-lando, 14, pagkatapos sang recess sang Marso 6, ginhagad sang isa pa ka suspetsado nga si alyas Bok-bok ang biktima nga si alyas Jasmin, nga magsaka sa bukid agud manguha sang pasayan sa busay.
Agud nga mag-upod ang biktima, gin-engganyo ini nga hatagan sang sticker nga nahiligan hampangon ni Jasmin.
Nag-upod man si Jasmin kag ang duha pa ka suspek nga sanday alyas Panong kag Jan-jan kag pag-abot sa busay nagpaligo ang mga ini.
Suno kay Lando, nagplano si Bok-bok nga magpakighilawas sa biktima kag gin-engganyo ini nga hatagan sang sticker.
Nagpasugot man si Jasmin kag boluntaryo nga nag-uba sang iya panapton, sa diin una nga naghimulos sa iya si Jan-jan, nagsunod si Lando-lando kag ika-tatlo si Bok-bok, samtang naglantaw lang si Panong.
Pahayag pa sang suspek, wala nagpamatok ang biktima kag nag-una pa ini panaog sa bukid, samtang nagpabilin pa sila kag nagpanguha sang pasayan.
Indi naman mapa-athag ni Lando-lando kun nga-a nahimo sini ang pagpanghimulos kag ginpanginwala man sini nga nagalantaw sila sang mga pornographic videos.