ILOILO CITY – Nagbalik ang iligal nga pagpangisda sa Northern Iloilo.
Sa interview sang Bombo Radyo, ginpahayag ni Dr. Raul Bañas, Iloilo provincial administrator, may nakita ang Task Force Bantay Dagat nga super hulbot nga nagapangisda sa kalalawran nga sakop sang banwa sang Carles kag Banate.
Magluwas sa super hulbot, may nagagamit man sang dinamita sa pagpangisda.
Bangud sini, gintagaan sang tatlo ka semana ang Task Force Bantay Dagat para tapna-on ang iligal nga pagpangisda sa probinsya sang Iloilo.