ILOILO CITY – Patay ang subpoena server sang lower court sa Bario Calinog, Calinog, Iloilo matapos malasakan sang truck nga nagakarga sang tubo.
Ginpahyag sa Bombo Radyo ni Police Senior Insp. Kenneth Bermejo sang Calinog PNP, nga papuli na ang biktima nga si Gil Villanueva apang nasalakay sini ang layaw nga ido rason nga nagtabog ini sa pihak nga linya sang dalan, sa diin may nagapadulong nga truck.
Gintinguhaan pa sang driver sang truck nga si Nerio Castillejo nga likawan nga maipit ang biktima apang nadalasa ini gihapon kag naigo ang ulo sang biktima nga gindeklarar dead on the spot.
Gilayon naman nga nag-surrender sa Calinog Municipal Police Station ang driver sang truck.