ILOILO CITY – Preso na karon sa Police Station 1 sa Iloilo City ang isa ka commercial sex worker nga bading matapos nga ginhimas kag ginkawatan ang isa ka construction worker sa Ledesma St., Iloilo City.
Sa interview sang Bombo Radyo, ginpahayag sang biktima nga si Ronald Bautista sang Brgy. Guibuangan, Tigbuan, Cabatuan, Iloilo, halin siya sa construction site sa Arevalo, Iloilo City kag nag-agi sa Iloilo Terminal Market agud i-deliver ang dala nga sako-sako nga uling.
Sang nagguwa ini sa merkado, ginpalapitan ini sang suspek nga si Daniel Caniete alyas Nene Agi sang East Baluarte, Molo, Iloilo City kag gintanyagan sang hingalit nga kalipay.
Nagpamalibad si Bautista apang ginpalapitan ini sang iban pa nga commercial sex worker nga bading man kag gintanyagan sang oral sex.
Nagpanginpadlos ang construction worker apang ginhalukan ini sang agi kag likom sa iya ihibalo, nakuha na sang mga bading ang P900 sa iya bulsa nga inugbakal kuntani sang gatas sang iya anak.
Nagpangayo sang bulig sa pulis ang biktima agud maaresto ang mga agi.
Naakig pa ang bading sang gindakop ini sang mga otoridad bangud nga wala pa ini makatapos sa ginabuhat nga oral sex sa isa pa sini ka customer.