ILOILO CITY – Natalana nga magbalik sa ring ang Ilonggo boxer kag anay WBC silver minimumweight champion nga si Denver Cuello, matapos ang malawig nga pagpahuway bangud sa injury.
Sa interview sang Bombo Radyo Iloilo, ginpahayag ni Cuello nga tumandok sang Tuy-an, Cabatuan, Iloilo nga naglawig sang pulo ka oras ang pag-opera sang iya tu-o nga abaga sang Martes, matapos nga na-dislocate sadto.
ahayag sang boksidor, nakahampang pa ini sa Japan, Thailand kag diri sa Pilipinas, apang nagsakit liwat ang iya nga abaga, gani nagpahuway ini sang isa ka tuig sugod 2015 agud ipa-therapy, apang wala nadala gani gindesisyunan sini nga ipaidalom sa operasyon.
Nabakante ang WBC silver minimumweight title bangud wala sini nahampangan sa malawig nga tini-on.
Target ni Cuello nga mag-angkon sang duha ka tune-up fight.
Suno kay Cuello, mahimo na ini nga makabalik sa ring matapos ang anum ka bulan nga pag-recover, kasunod sang iya operasyon.
Matapos ang tune-up fight, mahimo siya ipadala sang iya bag-o niya nga manager sa Wild Card gym ni coach Freddie Roach sa Amerika agud mag-training.
Tuyo man sini nga magsaka sa junior flyweight title nga ginbakante ni Donie “Ahas” Nietes.
