ILOILO CITY – Gindepensahan sang Iloilo City Councilor Josua Alim ang tikang nga pagsulat kay Presidente Rodrigo Duterte, para limpyuhan ang ngalan ni Mayor Jed Patrick Mabilog kag ang imahe sang siyudad sa kaangtanan sini sa iligal nga droga.
Suno kay Alim sa interview sang Bombo Radyo lloilo, katuyuan sini nga masalbar ang imahe sang Iloilo City.
Ini bangud sang sulit-sulit nga pagmitlang ni Duterte nga protektor sang illegal drugs ang alkalde, nga isa ka pag-generalize sa siyudad suno sa konsehal.
Ginbasol ni Alim ang pagpamalibad sang una sang konseho nga imbestigaran ang drug proliferation sa siyudad.
Kuntani suno kay Alim, antes pa man nagkandidato si Duterte bilang presidente, nakita na sini nga may ginahimo ang Iloilo City nga tikang batok sa illegal drugs.
Paagi sa pagpadala sang mga dokumento kaangay sang mga napasar nga resolusyon, basi pa lang suno kay Konsehal Alim, mahambal ni Duterte nga nagbag-o na ang Iloilo City kag may ginahimo nga tikang para sa kampanya batok sa iligal nga droga.