ILOILO CITY – Madayon na ang pagtukod sang taytay nga maga-angot sa Iloilo City kag probinsiya sang Guimaras.
Ginpahayag sa Bombo Radyo ni Buenavista, Guimaras Mayor Eugene Reyes nga ginhatagan na sang China sang pondo ang nasambit nga proyekto.
Isa sa mga pasalubong ni Chinese Vice Premier Wang Yan sa pagbisita sini sa Pilipinas, ang $6 billion nga pondo para sa nasambit nga taytay, samtang P150 milion naman ang gintigana asng Department of Public Works and Highways.
Suno sa alkalkde, nalangkag na ang mga pumuluyo sang Guimaras sa patindugon nga taytay nga ginalauman nga magpabaskog pa gid sang turismo sa isla kag indi na mangin perwisyo sa mga taga-Guimaras ang magpadulong sa Iloilo City kun malain ang tiyempo.
Apang wala pa sang pat-od nga petsa kun san-o suguran ang pagtukod sang Iloilo-Guimaras bridge.