ILOILO CITY – Na-trap ang 11 ka tawo matapos magka-aberya ang elevator no. 2 sang Iloilo City Hall.
Na-mis-align ang roller sang elevator kag indi na mabuksan.
Sa interview sang Bombo Radyo kay Victor Facultad, building administrator, gintudlo sang iban nga na-trap sa elevator ang executive assistant ni Mayor Jed Patrick Mabilog for Political Affairs nga pilit nga ginpunggan ang gapasira nga elevator rason sang pagka-aberya sang elevator.
Ginkinahanglan pa ang bulig sang Special Rescue Unit, Bureau of Fire Protection kag Iloilo Emergency Response Team agud mapagwa ang mga na-trap sa elevator.
Kalakip sa mga na-trap ang isa ka nagabusong nga kliyente sa Iloilo City Hall.
Padayon pa ang imbestigasyon sa pagka-aberya sang elevator.