ILOILO CITY – Duha ka mga drug user ang nadakpan sang mga katapo sang Philippine Drug Enforcement Agency (PDEA)-6 sa isa ka raid sa Brgy. San Juan, Molo, Iloilo City.
Ginsulod sang PDEA ang balay nga ginapanag-iyahan ni Shiela Bellesa.
Naabtan sang PDEA nga naga-pot session ukon nagagamit sang iligal nga droga sanday Mark Asturias, 32; kag Axel John Bernabe, 20, bata sang tag-iya sang balay.
Nakuha gikan sa mga suspetsado ang isa ka dako kag apat ka magagmay nga sachet sang suspected shabu, P500 nga marked money, mga resibo gikan sa isa ka money remittance center, kag mga drug paraphernalia.
Sa interview sang Bombo Radyo sa isa sa mga nadakpan nga si Bernabe, ginpahayag sini nga ginasugo siya sang iya iloy nga magbaligya sang iligal nga droga.
Wala man siya sang ihibalo nga shabu ang ginapadala sa iya bangud nga nasulod man ini sa isa ka suludlan.
