ILOILO CITY – Ginsipa sa serbisyo ang isa ka pulis bangod sa kaso nga grave misconduct kag conduct unbecoming of a public official.
Si PO2 Donnel Binas ang anay assigned sa Sibunag Police Station sa Sibunag, Guimaras kag karon yara sa Regional Police Holding and Accounting Unit (RPHAU).
Sa interview sang Bombo Radyo Iloilo kay National Police Commission (Naolcom) Region 6 spokesperson Alfonso Cumbong, ginpahayag sini nga ang kaso ni Binas ang may kaangtanan sa pito ka counts sang rape nga ginpasaka sang anay sini kabulig sa balay.
Suno kay Cumbong, mismo ang Commission en Banc ang nagpapanaog sang desisyon.
Gin-athag ni Cumbong nga apisar nabayaran na ni Binas ang criminal liaility, kinahanglan gihapon sundon ang desisyon sang komisyon sa administrative liability.
Nahibaluan nga preso na sadto si Binas sa New Bilibid Prison bangud sa nasambit nga kaso.