ILOILO CITY – Nagapati ang isa ka law expert nga suportahan sang Kongreso ang plano ni Presidente Rodrigo Duterte sa pag-appoint sang mga barangay officials kag ipaiway na lang ang eleksyon sa Oktubre.
Sa panayam ng Bombo Radyo Iloilo kay Atty. Hector Teodosio, miyembro sang Integrated Bar of the Philippines (IBP) Iloilo Chapter, ginpahayag sini nga apisar nahibaluan sang Kongreso nga indi mahimo mag-appoint sang mga barangay officials si Duterte, sa kahadlok sang mga ini nga makuhaan sang committee chairmanship kag indi matagaan sang budget sa mga proyekto, wala ang mga ini mahimo kundi ang magsunod sa mando sang Presidente.
Suno sa abogado, maathag nga pag-abusar sa poder ang plano ni Duterte kag paglapas sa Konstitusyon.
Gin-athag sang abogado nga sa ti-on nga wala sang may mapasar nga laye ang Kongreso antes ang barangay elections sa Oktubre, indi mahimo maghalin sa ila puwesto ang mga incumbent nga barangay officials.