(Update) ILOILO CITY – Nagtuyo nga maghikog ang bana matapos nahibaluan nga iya napatay ang kaugalingon nga asawa sa Brgy. Agcuyawan Calsada, Barotac Nuevo, Iloilo.
Ini mismo ang ginpabutyag ni Carlos Valdez, 40, sang amo nga barangay, sa eksklusibo nga interview sang Bombo Radyo.
Suno kay Valdez, nagalibog ang iya ulo bangud sa nahimo nga pagbuno-patay sa iya man lang mismo asawa.
Ginpahayag sang suspek nga gusto na niya matapos ang pagpalibog rason nga gintuyo maghikog.
Matapos napasaka ang kaso nga parricide batok sa iya, ginpahayag ni Valdez nga nakahanda ini nga sabton ang sala nga iya nahimo para mapahamtang ang buot sang pamilya sang biktima kag sang iya mga kabataan.