ILOILO CITY – Gin-absuwelto sang Philippine Drug Enforcement Agency (PDEA) si Iloilo City Mayor Jed Patrick Mabilog bilang protektor sang iligal nga droga.
Sa interview sang Bombo Radyo Iloilo, ginpahayag ni PDEA-6 Assistant Regional Director Levi Ortiz nga wala naka-agi nga naggwa ang pangalan sang alkalde sa ila ginpatigayon nga validation kag imbestigasyon.
May kaangtanan sa sulit-sulit nga paglawag ni Presidente Rodrigo Duterte sa pangalan sang alkalde bilang protektor sang illegal drugs, posible suno kay Ortiz nga may lain nga ginkuhaan sang impormasyon ang Presidente.
Gindugang pa ni Ortiz nga dako ang nabulig ni Mayor Mabilog sa pagtapna sang iligal nga droga sa siyudad sang Iloilo.