Militar sa Visayas, white alert pero handa vs NPA attacks

ILOILO CITY – Ginpasiguro sang tropa sang militar sa Visayas nga nakahanda ini sa anuman nga kalakasan sang rebelde nga New People’s Army (NPA).
Ini apisar nagapabilin sa white alert ang 3rd Infantry Battalion sang Philippine Army sa pihak sang pagdumdom sang mga rebelde sang ila founding anniversary.
Sa interview sang Bombo Radyo Iloilo, ginpahayag ni 3rd Infantry Battalion PIO Lt. Col. Ericson Rozana nga normal ang operasyon sang militar sa Visayas.
Ang area of responsibility sang 3rd Infantry Battalion ang nagasakop sa Region 6, 7 kag Negros Island region.
Suno pa kay Rozana, padayon ang ila combat operation apang wala sang may namonitor nga plano nga pagpang-atake sang NPA.
Padayon man suno kay Rozana, ang pag-monitor sang militar sa ginapahayag sparrow unit sang rebelde nga grupo.