ILOILO CITY – Nagdangat na sa 132 ka mga menor-de-edad ang nadakpan sa sulod sang 18 ka adlaw nga pagpatuman sang curfew for minors.
Santo sa record sang Task Force on Moral Values and Recovery Formation, pinakadamo sa mga nadakpan ang nagikan sa distrito sang Jaro nga nagalab-ot sa 40.
Sa distrito sang Arevalo, 25 ka mga menor-de-edad ang naglapas sa curfew for minors, 23 sa distrito sang La Paz kag Lapuz, 21 sa City Proper area, 12 sa Molo district samtang 11 sa Mandurriao.