ILOILO CITY – Ginmanduan na ni Iloilo City Mayor Jed Patrick Mabilog ang Iloilo City Council nga magpatigayon sang imbestigasyon sa reklamo batok sa ginapahayag wala nagasilinanto nga panukot sang Panay Electric Company (PECO).
Sa interview sang Bombo Radyo Iloilo, ginpahayag sang alkalde nga ginmanduan man sini ang City Council nga ipadala ang resulta sang imbestigasyon sa Energy Regulatory Commission (ERC), Kongreso, Department of Energy kag sa mismo talatapan ni Presidente Rodrigo Duterte.
Suno kay Mayor Mabilog, indi dapat sukton sang PECO ang mga konsumidor sa koryente nga wala man sang mga ini magamit, bangud perwisyo ini sa mga pumuluyo sang siyudad.
Una na ginsuhestyon sang pila ka mga opisyal sang siyudad nga imbestigaran sang Kongreso ang ginapahayag anomalya sa billing sang PECO.
Ginpahayag ni City Councilor Joshua Alim nga nagahilapit na ang pag-renew sang PECO sang franchise rason nga dapat na ini imbestigahan.
Sa mga reklamo nga nabaton sang Bombo Radyo Iloilo, ginkakibbot sang pila ka mga consumers ang gulpi nga pagtaas sang ila electric bill.
May yara nga sadto ang regular nga ginabayaran P2,000 kadabulan apang nagsaka ini sa P77,000 sa bulan sang Pebero samtang may yara naman nga naglab-ot sa masobra P600,000 sa sulod sang isa ka bulan.