ILOILO CITY – Ginakabig sang Armed Forces of the Philippines (AFP) nga desperado nga tikang ang ginahimo sang New People’s Army (NPA) nga pag-recruit sang mga bago nga miyembro.
Ini kasunod sang pagpahamtang sang rebelde nga grupo sang signages sa pagpang-imbitar sa mga masulod sa grupo.
Sa interview sang Bombo Radyo, ginpahayag ni Lt. Col. Ericson Rosana, spokesman sang 3rd Infantry Division sang Philippine Army, ginpahayag sini nga santo sa ila nga obserbasyon, gamay na lang ang nagasulod sa rebelde nga grupo bangud kalabanan sa mga miyembro nila ang nagbalik na sa sabak sang gobyerno.
Ginpahayag ni Rosana nga sa subong, wala pa sila sang namonitor nga nag-upod matapos nga nagpahamtang ang mga ini sang signages sa mga banwa sa Panay.