ILOILO CITY – Ginkakibot sang Department of Interior and Local Government (DILG) sa Iloilo City ang pagsipa sa puwesto ni Presidente Rodrigo Duterte kay anay Secretary Ismael Sueno bilang pinuno sang ahensiya.
Sa interview sang Bombo Radyo Iloilo, ginpahayag ni Atty. Ferdinand Panes, director sang DILG sa Iloilo City, kahinali sang pagpahalin sa anay tiglikom.
Suno kay Panes, dako nga kadulaan sa DILG si Sueno ilabi na sa kampanya batok sa iligal nga droga kag kriminalidad.
Apang ginpasiguro sang local DILG official nga bukas sila kun sin-o man ang magpungko nga bag-o nga pinuno sang DILG.