ILOILO CITY – May go signal na ang World Bank para sa apat ka mga agriculture business ventures sa probinsiya sang Iloilo.
Nagalab-ot sa P3.4 million ang pondo nga ihatag sang World Bank para sa sustainable livelihood sang Inagdangan Norte and Sur Farmers Association sa Zarraga, Iloilo; babuyan sang Iloco Farmers Association sa banwa sang San Rafael kag Janiuay; kag vermicompost production sa banwa sang Bingawan, Iloilo.
Ipaagi sang World Bank ang pondo sa rural enterprise component nga I-REAP kag sa Philippine Rural Development Project nga ginabuligan sang institusyon.
Ginpahayag ni Mila Dellomo, planning officer sang Provincial Planning kag Development Office, ginpaguwa na sang Department of Agriculture ang una tranche sang pondo.
Katuyuan sini nga mapasanyog ang industriya sang agrikultura kag fisheries sa pungsod.