ILOILO CITY – Wala pa maistoryahan sa Senado ang counterpart bill sa ginaduso ni Presidente Rodrigo Duterte nga ipaiway ang barangay elections nga natalana kuntani sa Oktubre subong nga tuig.
Kadungan sa pagbisita sa Iloilo, ginpahayag ni Sen. Bam Aquino nga dapat mag-agi sa proseso ang kagustuhan sang Presidente, apang indi pabor diri ang senador.
Una na nagpasar sang bill si Rep. Robert Ace Barbers sa Kamara para ipaiway ang eleksyon sa barangay sa Mayo 2020.
Ginpasiguro naman ni Sen. Aquino nga igaduso sini nga madayon ang eleksyon sa Sangguniang Kabataan subong nga tuig.
Kanugon suno sa senador ang bag-o nga layi nga nagamando nga patigayunon ang eleksyon subong nga tuig, kun indi ini mapatuman.