ILOILO CITY – Nagsawsaw man sa ginapahayag anomalya sa scholarship program ni anay Iloilo Fifth District Rep. Niel Tupas Jr., si Iloilo Governor Arthur Defensor Sr.
Sa interview sang Bombo Radyo, ginpahayag ni Gov. Defensor, nga isa ka seryoso nga problema ang tuhoy sa reklamo sang mga estudyante sa wala nabayaran nga scholarship bills sa Northern Iloilo Polytechnic State College (NIPSC).
Ang mga estudyante suno sa iya ang mayor nga maapektuhan matapos nga indi pag-ihatag sang Northern Iloilo Polytechnic State College ang ila mga credentials bangud sa ginaalegar wala mabayaran nga scholarship sang anay mamalidha.
Suno kay Defensor, iya man idangop kay Presidente Rodrigo Duterte ang isyu.
Una na gnpahayag sang NIPSC nga halos P75 million ang wala mabayaran sa scholarship nga hugot naman ginpanginwala ni Tupas kag nagpanindugan nga ini ang nabayaran sang iya Priority Development Assistance Fund.