ILOILO CITY – Nasunog ang isa ka FM station sa siyudad sang Iloilo matapos nga ginlamon sang kalayo ang ika-apat nga panalgan sang Perpetual Succor Realty Corporation Building sa Jalandoni Street, Barangay Villa Anita, City Proper.
Sa interview sang Bombo Radyo, ginpahayag ni Delfin, chief technician sang Wild FM, naghalin ang kalayo sa kuwarto nga ginatulugan sang duha ka mga caretaker sang building.
Naparalisa ang operasyon sang istasyon.
Suno kay Delfin, nakibot na lang ini sang pagbugtaw nga may kalayo kag kadamol sang aso.
Nagsugod ang sunog alas-12:45 kaina sang kaagahon nga nagdugay sang halos tatlo ka oras.
Magluwas sa FM station, nasunog man ang talatapan sang life insurance nga naga-occupy man sa ika-apat nga panalgan sang building.
Gina-imbestigaran pa sang Bureua of Fire Protection ang rason sang sunog kag kun pila ang damages.