ILOILO CITY – Gilayon nagpatigayon sang practice ang mga atleta nga una nag-abot sa probinsiya sang Antique para sa Palarong Pambansa 2017.
Sa interview sang Bombo Radyo Iloilo, ginpahayag ni Atty. Arthur Lastimoso, chairman sang local organizing committee sang Palarong Pambansa, ginpahayag sini nga gilayon mapraktis sa track oval ang mga atleta sang Region 4-B kag Region 5.
Kabahin ini sang familiarization sang mga atleta sa venue.
Samtang ginahandaan naman suno kay Lastimoso ang engrande nga welcome ceremony para sa ginalauman nga 12,000 delegates nagikan sa 18 rehiyon nga magapasakop sa Palarong Pambansa.
Ginpasiguro naman sang host province nga mangin memorable para sa mga participants ang hiwaton nga Palaro Pambansang.
Patigayunon ang Palarong Pambansa sa Abril 23-29 sa probinsiya sang Antique.