ILOILO CITY – Gina-validate na sang Police Regional Office (PRO) 6 ang nabaton nga impormasyon tuhoy sa presensya sang kidnap for ransom (KFR) group kag mga terorista sa Rehiyon 6.
Sa interview sang Bombo Radyo Iloilo, ginpahayag ni Supt. Gilbert Gorero, spokesperson sang PRO-6, padayon man ang ila pagpakig-angot sa iban pa nga mga intelligence groups.
Gin-athag ni Gorero nga magluwas sa mga dumuluong nga grupo, ila man ginatutukan ang presensya sang mga lokal nga rebeldeng grupo.
Ginpaidalom na ang bug-os nga PRO-6 sa full alert status kag ginkansela ang leave sang mga kapulisan.
Suno kay Gorero, indi lang ini para sa preparasyon sa mga grupo nga magahimo sang kalakasan kundi para man sa Semana Santa.