ILOILO CITY – Naghisugot na ang mga obreros kag tagdumalahan sang Central Azucarera de San Antonio (CASA) nga magbalik na sa operasyon.
Ini matapos ginpatung-an sang National Conciliation and Mediation Board (NCMB).
Sa interview sang Bombo Radyo kay Department of Labor and Employment (DOLE) Regional Director Salome Siaton, ginpahayag sini nga wala natandog ang isyu sang bayranay kag angot sa bonuses nga amo ang gintunaan sang halos duha ka semana nga pag-untat trabaho sang mga mamumugon sa amo nga sugar mill.
Magabalik naman suno kay Siaton ang normal nga operasyon sang sugar mill sa Lunes, Abril 17, 2017.