ILOILO CITY – Nakaalerto na ang otoridad sa mga bantog nga mga tourist destination kag mga pilgrimage sites sa Iloilo.
Sa interview sang Bombo Radyo kay Iloilo kay Police Provincial Office (IPPO) director Senior Supt. Harold Tuzon, ginpahayag sini nga sang nagligad nga semana pa lang, nag-deploy na sila sang mga pulis sa mga lugar nga ginadugok sang mga turista kag tumuluo.
Partikular sini nga gintumod amo ang Bucari sa Leon, Iloilo kag Isla Gigantes sa banwa sang Carles.
Suno kay Tuzon, magluwas sa mga ginpang-deploy nga mga pulis, nagpahamtang man sila sang Tourist Assistance Desk sa tanan nga mga banwa sa Probinsya sang Iloilo.
Sa subong suno sa natungdan, nagadugok na ang mga tawo nga nagabakasyon sa probinsya sang Iloilo sa diin hugot man nila nga ginabantayan ang mga motorista agud makalikaw sa aksidente.