ILOILO CITY – Ginahandaan na sang Iloilo Police Provincial Office ang Palarong Pambansa 2017 sa probinsya sang Antique, matapos ang madinalag-on nga pagpasiguro sang katawhayan sa Semana Santa.
Sa interview sang Bombo Radyo kay IPPO spokesperson PCI Aron Palomo ginpahayag niya nga mangin masako na ang mga pulis sa probinsya sa pagpreparar para sa ASEAN Meeting sa Boracay amo man sa Palarong Pambansa 2017 nga magaumpisa sa Abril 23, 2017.
Dugang pa ni Palomo nga nangin madinalag-on ang ila pagpasiguro sang Semana Santa sa probinsya sang Iloilo tungod sang maayo nga partisipasyon kag pagbuylog sang mga pumuluyo.
Ginalauman dugang ni Palomo nga mangin kaangay man ang kooperasyon sang mga pumuluyo sa masunod nga mga dalagku nga event nga iga-host sang rehiyon agud mangin matalunsay man kag madinalag-on.