Bangkay sang Ilonggo nga suldado nga napatay sa Bohol encounter nakapauli na sa pamilya

ILOILO CITY – Nakapauli na sa Brgy. Pandan, Leon, Iloilo ang bangkay sang suldado nga napatay sa engkuwentro batok sa bandido nga Abu Sayyaf sa Bohol.
Sa interview sang Bombo Radyo Iloilo kay Ginang Ceres Cajaban, iloy ni Corporal Mel June Cajaban, iya ginpahayag nga magalawig tubtub sa April 25, 2017 ang haya sang iya bata.
Antes ang lubong sa Abril 29, dal-on ang bangkay ni Corporal Cajaban sa Bacolod City sa diin sila nagapuyo sang iya asawa.
Tubtub subong, indi man nila sa gihapon mabaton ang kamatayon sang iya bata nga naghalad sang iya kabuhi para sa pungsod.