ILOILO CITY – Wala ginakabig sang kapulisan sa Western Visayas nga seryoso ang no. 1 drug lord sa rehiyon nga si Richard Prevendido nga magsungka.
Sa interview sang Bombo Radyo Iloilo, ginpahayag ni Police Supt. Gilbert Gorero, spokesperson sang Police Regional Office 6 (PRO-6) nga magapati lang sila nga seryoso si Prevendido nga mag-surrender kun ini mismo ang magpalab-ot sang feeler kag indi ipaagi sa iban nga tawo.
Ini kasunod sang una na ginreport nga may feelers nga mag-surrender na ang lider sang Prevendido Drug Group apang gin-athag nga indi pa ulihi kun luyag sang drug lord nga i-turnover ang kaugalingon.
Sa karon suno kay Gorero, ginamanduan na ni PRO-6 director C/Supt. Jose Gentiles ang mga kapulisan sa bug-os nga Western Visayas may kaangtanan kay Prevendido.
May ginapatigayon na nga tactical operation ang Police Regional Office 6 batok kay Prevendido apang nagpamalibad si Gorero nga magdetalye tuhoy diri.
Nagapati naman ang kapulisan nga mapapas ang iligal nga droga sa Western Visayas sa dalayon nga mga anti-drug operation.