ILOILO CITY – Ginkumpirma sang pamunuan sang Police Regional Office (PRO) 6 nga nabudlayan na sila sa pagpangita sa no. 1 drug lord sa Western Visayas nga si Richard Prevendido.
Sa interview sang Bombo Radyo kay PRO6 director Chief Supt. Jose Gentiles, ginpahayag sini nga sa subong, gamay na lang ang impormasyon nga ila nabaton may kaangtanan sa ginapanaguan ni Prevendido.
Sa pihak sini, ginpanindugan sang opisyal nga indi sila mag-untat tubtub indi madakpan ang drug lord.
Suno kay Gentiles, bastante na ang patong sa ulo ni Prevendido nga P1 million.
Nahibaluan nga masobra na sa tatlo ka bulan kag duha ka semana sang gindeklarar sang PNP nga wanted si Prevendido.