ILOILO CITY – All set na ang mga venue kun sa diin patigayunon ang mga hinampang para sa Palarong Pambansa 2017 sa probinsiya sang Antique.
Ini ang ginpahayag sa Bombo Radyo ni Oliver Sevillion, chairman para sa maintenance sang mga playing venues.
Suno kay Sevillion, ginpakay-o ang mga ball courts rason nga sang nagligad nga adlaw lang ginpahanugutan nga magamit sang mga delegado.
Gin-athag naman ni Sevillion nga ang Binirayan Sports Complex sa banwa sang San Jose nga amo ang main venue, ang gamiton sa championship sang major ball games samtang ang regular games ang hiwaton sa mga venues sa kaiping nga mga kabanwahanan.
Sa Abril 23, pormal na nga buksan ang Palarong Pambansa 2017.