109 ka mga centenarians, nakabaton sang cash gift; mahjong sikreto sa 'long life'

ILOILO CITY – Nagalab-ot sa 109 ka mga centenarians ukon ang mga naga-edad 100 ka tuig pasaka sa Iloilo, ang nabugayan sang cash gift.
Ang P100,000 nga nabaton sang mga centenarians ang nagikan sa Department of Social Welfare and Development (DSWD) sa idalom sang Republic Act No. 10868 ukon Centenarians Act of 2016.
Magluwas sa ginhatag sang DSWD, makabaton man ang mga centenarians sang tig-P30,000 kada isa nagikan sa Iloilo provincial government.
Samtang ginpaambit naman sang pila ka mga centenarian ang sikreto sa malaba nga kabuhi.
Suno kay Maria Jusa Guyos, 105, ang paghampang sang mahjong ang isa sa mga nagapalawig sang iya kabuhi.
Indi man ini mapili sa pagkaon kag ginakaon apisar ang mga “unhealthy foods”.
Sa 109 nga mga centenarians sa Iloilo, 91 sa mga ini ang babaye samtang 18 naman ang mga lalaki.