ILOILO – Madamo sang natun-an kag nag-enjoy ang mga delegates sang Association of Southeast Asian Nations (ASEAN) nga naglibot sa probinsiya sang Guimaras.
Ginpadulungan sang mga ini ang banwa sang Sibunag kag Nueva Valencia bilang kabahin sang anti-poverty meeting, sa papanguna sang National Anti-Poverty Commission.
Sa banwa sang Sibunag, gintsekyar sang ASEAN delegates ang implementasyon sang social protection program kaangay sang KALAHI-CIDSS, samtang ila man ginpadulungan ang Taklong Island nga isa ka National Marine Reserve, sa Nueva Valencia.
Sa interview sang Bombo Radyo Iloilo, ginpahayag ni Guimaras Board Member Josefina dela Cruz nga nagdayaw ang mga representante sang Malaysia kag Indonesia sa katahom sang Guimaras kag mainit nga pag-abi-abi sa ila sang mga pumuluyo.
Ginpatilaw man ang mga ini sang world-class nga paho.
Apang wala naman mag-upod ang representante sang Singapore bangud rason sini, wala man sang imol sa ila nga pungsod.