ILOILO CITY – Ginhangkat ni Presidente Rodrigo Duterte ang mga atleta sa Palarong Pambansa 2017 sa Antique nga mag-angkon sang sense of responsibility.
Suno kay Duterte nga nagpanguna sa pagbukas sang amo nga aktibidad, indi lang kinahanglan nga pabaskugon sang mga kabataan ang pisikal kundi pati man ang mental health, agud ma-angkon ang ginahandum nga kadalag-an.
Ginatinguhaan sang gobyerno suno sa Presidente, nga mag-angkon ang mga kabataan sang sense of goodwill, competitiveness kag values paagi sa paghatag sang pinakadako nga pondo para sa edukasyon.
Dugang pa ni DUterte, isa ka sagrado nga katungdanan sa mga katigulangan subong nga ipasa sa mga kabataan ang responsibilidad, nga amo naman ang responsable para sa masunod nga henerasyon.