ILOILO CITY – Duha ka mga atleta sang National Capital Region (NCR) ang naghimo sang panibag-o nga record sa swimming sa nagapadayon nga Palarong Pambansa 2017 sa probinsiya sang Antique.
Nahimo nanday Jerald Jacinto sang University of the East (UE) kag Nicole Mia Pamintuan sang De La Salle Santiago Zobel sa elimination round pa lang sang 100 meter backstroke secondary.
Si Jacinto ang may oras nga 1:00.18 kag naguba ang record nga ginauyatan sadto ni Johansen Aguilar (1:00.79) sang NCR, nga nahimo sini sadtong 2009.
Si Pamintuan ang nakahimo naman sang 1:07.47 nga time kag naagaw ang record nga anay gina-uyatan ni Catherine Bondad (1:07.47) sang NCR sadtong 2013.