ILOILO CITY – Gin-ako ni Assistant Secretary Tonisito Umali sang Department of Education (DepEd) nga kulang ang ikasangkol sang probinsya sang Antique sa pag-host sang Palarong Pambansa 2017.
Sa exclusive interview sang Bombo Radyo kay Asec. Umali, iya ginpahayag nga indi pa masarangan sang probinsya sang Antique nga mag-host sang dako nga event kasubong sang Palarong Pambansa.
Apang ginpahayag nga ang pagpili sa Antique ang legal santo sa layi nga nagamando nga mahimo nga patigayunan sang dalagko nga kahiwatan ang isa ka pigado nga probinsya.
Ang Palarong Pambansa suno kay Umali ang mahimo magdala sang pag-uswag sa Antique bangud madamo sang dumuluong ang magapadulong sa lugar.
Sa pihak sini, iya ginalauman nga magserbe nga halimbawa sa iban nga probinsya ang pagbaton sang pagpanghangkat sang Antique sa pag-host sang pinakadako nga sporting event sa pungsod.